हेर्नुहोस् – तपाँईको परिवार भित्र एक होईन धेरै जातको रगत मिस्सिएको छ

 

Unity-with-diversity-small

तपाँई हामी भित्र एक जाती मात्र होईन धेरै जातीको रगत मिस्सिएको छ। आफ्नो पुस्ताको ईतिँहास पल्टाउदैँ जादाँ।अझ भावी सन्ततिको स्थितिलाई अबलोकन गर्‍यौँ भने त यहि सत्य सावित हुँदैछ।

जन्मदाँ मेरो थर – क्षेत्री परेछ।

  • मेरो बुहारी स्पेनिस मुलकी छिन् अब मेरो भतिजो चाहिँ कुन जातको ?
  • गाँऊमा एक भाउजु मगर हुन् अब मेरो भतिजी कुन जातको ?
  • दाईले राई मुलकी भाउजु ल्याउनु भयो, उन्‌को घोर्ले छोरोलाई कताको भन्ने ?
  • एउटा भतिजोले नेवार बिहे गरे अर्कोले गुरुङ्, उन्‌का जहान कुन जातीमा राख्‍ने ?
  • मेरो भान्जी बाहुनको बुहारी, अनि उन्‌को छोरो कुन जाती ?
  • गाउँको मगर भाईको गुरुँङ्को छोरीसँग टिकोटालो गरे, अब उनीहरुको नानी लाई कुन जाती भन्ने ?
  • अरबमा दु:ख गरि राख्नु भएको दाईले कृष्टिएन भाउजु ल्याउनु भो, उन्‌का सन्तानलाई हामी के भन्ने ?
  • जिगरी एउटा सेर्पा मित्रले नेवार साथीलाई बिहे गरे, अब उनीहरुका दुई सन्तानलाई कसरी ब्याख्या गर्ने?
  • दिदीले तामाँङ् मुलकी बच्चालाई गोद लिनु भो, अब यो परिवारलाई कुन जातीमा राख्‍ने हामीले?
  • म आफै जन्मे-हुर्केकोले हिन्दु, बुद्धले देखाएको मार्ग मान्छु, मुश्लिम कवी रुमी अाफ्ना मनछुने व्यक्तित्व, क्रिष्टिएन बाहुल्य कलेजमा सके जति अर्ति-वुद्धि सिकेको हुँ, मलाई कुन धर्मको मात्र भन्ने ?
  • म १० बर्ष हुर्के जात रहित “बुढानिलकण्ठ” स्कुल भित्र। जहाँ कुनै विधार्थीको जात थाहा / मतलब / प्राथमिकता नदिने प्रणाली बनाईएको थियो त्यहाँ पढ्ने हामीलाई कुन जातीको भन्ने ?

यो त थियो एउटा मे मेरो परिवारको “विविधताको” कथा। तपाईको नि यस्तै छ होला ? अब भविष्य पनि यस्तै छ नेपालको। शायद हामी नै होला अन्तिम पुस्ता जात खोजी खोजी बस्ने।
कुनै जातको सर्वोच्चतामा भन्दा ‘विविधता भएको अाफ्नो पहिचान”लाई मन भित्र राख्ने हो कि ?

Comments

  1. hami Lai blood chaiyo ra blood bank ma blood lina gayiyo bhane Kun jaat ko sodhchau ra??aakhir blood ta sabai jaat Lai mildo raicha Aakhir kina yesto ,,,,