कठै बिचरा ! नराम्रो काम गर्नेलाई सहानुभूति दिने हामी भित्रको संस्कार

नराम्रो काम गर्नेलाई “कठै बिचरा!” सहानुभूति दिने कु-संस्कार के हामी भित्र पनि छ?
हामीले कसलाई “कठै” ‘बिचरा’ भन्दैछौँ ?  एक चोटी सोचौँ है:

१) भुकम्पले हजारौँको ज्यान जाँदा नि बालमतलब दिने नेतृत्व: बिचरा नेतृत्व! (निरिह)
२) भ्रष्टाचारमा सजाय पाँउदा: बिचरा मन्त्री (त्यै मात्र फसेँछ)
३) कुनै ईस्टमित्रले घुस खादाँ तीनलाई जेल चलान हुँदा: बिचरा ईस्टमित्र ( ब्याड लक)
४) “कामै गर्न दिएनन् शिर्षले”! गुनासो पोख्दै ६०१ सांसद: बिचरा सांसद…
५) द्वन्द-संक्रमण अादिको निँउमा निर्दोषलाई हत्या गर्नेलाई समात्दा: बिचरा योद्धा
६) बर्षौँ सम्म नियम मिचेर घर बनाई बसेकाका घरै भत्किउदाँ : बिचरा घरबेटी
७) रक्सीले टिल भई भिरबाट खसाली यात्रु मार्ने ड्राईभरलाई: बिचरा ड्राईभर
८) दिनहुँ ४ कामदारका लाश कफिनमा फर्कदा चुप लागि बस्ने सरकार: बिचरा सरकार
९) नाकाबन्दीको बेला ईन्धन कालोबजारी गर्दै समातिँने, बिचरा चारपैसा कमाउन अाँट्या व्यवसायी
१०) …. तपाईँ नै थप्नुहोस् न।
 
यसरी नराम्रो गर्नेहरुलाई ‘बिचारा’ भनेर हामी आफैलाई बिचरा बनाएका छौँ। तपाईँले साथ कसलाई दिईराख्नु भा छ, राम्ररी सोचौँ, असक्षम कार्य गर्नेलाई ‘बिचारा’ ठान्ने बानी हटाऔँ । यो सानो परिवर्तन हामी आफै बाट शरु गरौँ।